"Turin - Cavôret an aôtômobil". Na veja canson e na veja grafìa.

Ël volantin ëd costa veja canson a l'é stàit publicà an sël notissiari dl'ACI Turin ëd Dzèmber 2003. La canson a l'é scrivùa ant la grafìa dita "a la Viriglio", ciamà parèj përchè col ch'a l'avìa difondula 'd pì a l'era giusta 'l poeta Alberto Viriglio, ativ pì che tut ant l'ùltim quart dl'Eutsent.
La canson a l'é datà 1907. La nòta dzora aj "HP" a l'è originala. La grafìa dla canson a l'é nen tant precisa, ma i podomo trové coste caraterìstiche sì:

  • la "o" doverta a l'é scrivùa "o";
  • la "o" sarà a l'é scrivùa "ô";
  • la "n" faucal a l'é scrivùa "ñ";
  • la "s" sorda a l'é scrivùa sempre "ss";



    • TURIN - CAVÔRET AN AÔTÔMOBIL
    Musica di R. Cuconato - Parole di G. Gastaldi (Tito Livido) - Settembre 1907

    O Pinota, la sastô la neuva,
    che 'ñ Piassa Castel
    fan viagè n'aôtômobil an preuva
    pì lest che n'ôsel ?
    Dal "Romano" o dal Circô dij Nobil,
    pagand-se nost biet,
    galegiôma sul treno aôtômobil
    Turin-Cavôret.

    Ven, Pinota, sestô prônta?
    mônta, mônta - an diligenssa,
    già 'l môtôr perd la passienssa,
    largo! largo! ... tè 'l subiet !
    Che piesì, për la coliña,
    mia gôgniña - pôdei côre,
    fè 'n bel raid d'un paira d'ôre
    da Turin a Cavôret!

    Che Nazzàri, che Cagno, che Lancia!
    sôn mi to chaffeur.
    Quala côpa, staseira, për mancia,
    tëm prônte, bel cheur?
    Ma përchè tôa maniña a fërfôja,
    me car ratôjin?
    A l'è n'amen, tôcand la manôja,
    trôvesse a Pekin!

    Oh! che machina sicura
    la vitura - d' sent cavai !
    J' "accapì" (1) s'andeurmô mai,
    van pì coti che 'n diret.
    Ma darmagi che sta côrssa
    për mia bôrssa - l'è 'n ravagi:
    ses pianeta a côsta 'l viagi
    da Turin a Cavôret !!! ...


    Indietro

    (1) HP; cavallo-motore; misura di energia