Duminica 11 dë stèmber 1689, sël brich ëd Sibàud, an Val Pèlis, ij Valdèis apres la "longa marcia" da Ginevra, rivà an batajand an soa tèra, a l'han giurà - le man alvà al cel - ëd resté unì për difende la fé e la libertà. El "giurament ëd Sibàud", scrivù dal Pastor Aléxis Muston (1810-1883), a l'é dventà, as peul disse, el "cant nassional" ëd cost cit pòpol ch'a l'ha savù resiste a le armeje dël re 'd Fransa e

dël duch ëd Savòja. El médich Robert Prochet a l'ha viralo dal fransèis an italian; e Camillo Brero, catòlich, an lenga piemontèisa. Soa version a na smija pi sclinta e donca pi bela 'd cola italian-a; e an pias presentela bele-sì per ël 17 ëd fervé.

Alvé le man al cel! A l'é sì che ij vòstr pare l'han giurà 'dnans a Dé ëd mai tradì soa fé e d'arfé neuv j'autar an costi santuari andoa lor da fòrt l'han ancontrà la mòrt... Dé del Sinaì, Signor dij prim Cristian, Dé dij Màrtir, Dé dij nòstrr Pare: com Giacòb un di 't l'ha arportà ij tò fieuj ai camp fiorì ereditari. Nosgnor, lasne nen soj sla stra segna da Ti: combat ansema a noi soldà fedej per Ti. Alvé le man al cel a l'é sì che ij vòstr pare l'han giura dnans a Dé ëd mai tradI soa fé... Costi mont l'han sentü soa vos crijé bin fòrt "Voi i'eve vistne nasse vëddreve nòstra mòrt". La patria l'é lì dova ch'a-i e nòstr cheur... per noi l'é sì tra ste valade dacant a costi autar consacrà al Signor ai pé dle tombe dij nòstri Vej. Marcioma an sie pianà dij màrtir

sotrà sì... Nosgnor, Ti, mòrt për noi, fane vive per Ti. Alvé le le man al cel! A l'é sì che ij vòstr pare l'ha giura dnans a Dé ëd mai tradì soa fé... Aussand torna j'autar prima d'arfé ij fornéj l'han artrovà soa vita pront a La mòrt dij Vej. Restoma tuti unì dantorn a costi autar ch'a guerneran ij nòstri vilagi. Splenda l'antica lus con ij so ragg etern an sle nòstre rochere antiche. Noi giuroma 'd resté fedej a la toa fé... resta con noi, Signor, noi restroma an Tò amor...

Coro

Valdèis, cost sacrament l'han benedì ij nòstr pare e ancora an costi di dcò noi peul benedì... Crijoma tuti, fòrt, fratej, con le man gionte: "Pres l'autar dël Signor per La vita e La mòrt!".