Castel ch'a stèila ...

Castel ch'a stèila (l'han dije Castija
përché ch'a castijava ij brav e ij gram)
bel, giovo e vej, lòn ch'as peul disse bel,
a gigiò dla colin-a, a baticole
d'un passà 'd fer tut ciair e scur dë spa,
a varda, a vaita, sivalié 'mbossà;
ah 'l magon d'esse mach pi na përson!,
chiel ch'a savìa le gighe e le canson
e c'ha l'avìa maitass d'esse cantà.
A argàucia e arlama ij sign, a l'ha d'arlie:
"Sti ciafri neuv a portran pa maleur ?"
Sël mostass argniflù a la soldala
a-j grimpo la formìa e la laserta
e fin-a la lumassa dòp la pieuva.
Gher, ij guerié d'un temp për la scalada
a pijo l'andi 'ns la colin-a 'n fior ...