Bagnèt verd

Trijé, fin fin, aj, pënansëmmo, ross d’euv dur,
molèja ‘d pan mojà ant l’asil, anciove sensa rësca:
toiré tut ant l’euli con na ponta d’asil.

_______________________________________________________

Balòte 'd polenta

Saré andrinta a tanti tochèt ëd polenta
tëbbia autërtante bije 'd fontin-a. Fene
tante balotin-e e rotoleje a fricassè ant
ël butir.

_______________________________________________________

Breu

Fé cheuse për doe ore: na caròta, 3 patate, 2
cuciar ëd fasoj cit, un cuciar d'òrdi, un lìter
d'eva e peui scolé 'l breu. Se as veul ël breu
pi spess, passé le vërdure a lë siass.

_______________________________________________________

Cotlëtte 'd bèro

Polideje e buteje na bela vestin-a ëd pan gratà,
mojeje ant l'euv sbatù e feje friciolé sensa
brusateje.

_______________________________________________________

Cotlëtte dij Bré

Tajé la polenta vansà an tante fëtte sutile:
passeje ant ël bianch d’euv a ant ël pampist;
saleje e rasateje ant ël butir.

_______________________________________________________

Cotlëtte 'd cossa

Tajé a fëtte la cossa; passè le fëtte ant l'euv
ësbatù e ant la farin-a bianca. Feje andé ant
l'euli e butir bujent as sla fiama mòla.

_______________________________________________________

Frità 'd patate

Frità rognosa

Trijé e fé rasaté 'd salam cru ant ël butir e
euli e marielo a j'euv sbatù, argalà 'd
formagg, sal, pèiver e nos moscà. Fela andé
da na part e da l'àutra sensa brusela.

_______________________________________________________

Mangé da spos

Pan e nos! A basta spartije an part
giuste tra Chiel e Chila, butand-se a la
sosta. Për ël can: nos e pan!

_______________________________________________________

Marenda dij Bré

Pan ciòrgn (mej se 'd cusiòira): mojelo
bin bin ant l'eva dlla fontan-a (mej se
d'eva 'd sorgiss o 'd montagna) e
condilo d'"aptit".

_______________________________________________________

Passatej

Ampasté n'etto 'd pan gratà, n'etto 'd formagg, 2 euv, un cuciar d'euli, na nos ëd butir e na frisa 'd nos moscà.
Passé la pasta ant la stampa che a-j la forma.
Feje cheuse e lasseje arposé ant ël bròd almen un quart d'ora.

_______________________________________________________

Polastra a la cassadora

Andrinta a na padela con euli fé frise na siola
trijà. Buté ij tòch ëd polastr ant la padela, feje
rosolé, condije con mes bicer ëd vin ross (dël
pì bon) e sàussa 'd tomàtica.

_______________________________________________________

Ris al làit

Fé beuje ‘l làit e sgruneje andrinta ‘l ris,
giontand mincatant ëd làit càud.
Salé.
As serv con na spluva ‘d butir.

_______________________________________________________

Salada campagnin-a

Tajé a fëte fin-e andrinta a 'n grilèt:
ëd povron, tomàtiche, sicòria, sarsèt,
séler e siola. Condì con euli, asil e sal.

_______________________________________________________

Sparz al butir

Fé brové jë sparz ant l'eva pen-a salà;
scoleje e gaveje la part bianca. Soagneje
ant un piat càud, sotrandje ant ël butir
fondù e ant ë formagg grathà.

_______________________________________________________

Torta sbrisolon-a

Ingredient: 2 etto 'd farin-a bianca, n'etto 'd farin-a 'd melia fin-a, 2 euv, 2 etto 'd butir o 'd magarin-a, n'etto e mes ëd mandorle dosse tostà trijà motoben fin, un bicerin ëd licor a piasì.
Ampasté tut ansema e rangé bin ant la teja unzùa 'd butir.

_______________________________________________________

Trute al bur

Ël travaj pì important a l’è pëscheje;
duverteje, gaveje la rësca e vestije d’un vel ëd farin-a bianca.
Feje andé adasiòt ant ël butir e marlipò (sarvia).